Ливияда 6 декабрь, якшанба куни мамлакатнинг собиқ раҳбари Муаммар Қаддафийнинг ўғли Саъдий устидан суд жараёни қайтадан бошланиши кутилмоқда. Бу ҳақда «Эхо Москви» хабар берди.
Қаддафийнинг учинчи ўғли ўлим жазосига ҳукм қилиниши мумкин. Тергов уни Ливия футбол федерациясини бошқарган пайт футболчини ўлдирганликда, шунингдек, отаси айбланган жиноятларга алоқадорликда гумон қилмоқда. Олдинроқ Саъдийнинг акаси Сайф ал Ислом ва яна саккиз нафар собиқ олий мартабали мансабдор олий жазога ҳукм этилганди. Улар айни пайтда қамоқда ҳукм ижро этилишини кутмоқда.
Саъдийнинг адвокати Мелинда Тейлор уни ҳам шундай қисмат кутаётганидан хавотирда эканлигини яширмади. Тейлор кичик Қаддафийнинг иши Ливиядаги ҳарбий жиноятларни текширишга ваколат олган Халқаро жиноий судда кўрилиши лозимлигини таъкидламоқда.
Саъдий Ливиядаги тўнтаришдан сўнг хорижда яширинган, кейинчалик Нигерда қўлга олиниб, юртига ўтган йил баҳорида экстрадиция қилинганди.
Изоҳ (0)