Шу йилнинг 1 декабридан 7 декабригача Британия Кенгаши, Ўзбекистон Республикаси Олий ва ўрта махсус таълим вазирлиги ҳамда Лондон Метрополитан университети томонидан олий таълим муассаларида энг замонавий ахборот ва коммуникацион технологиялардан фойданланган ҳолда етакчи педагогик жамоа малакасини ошириш бўйича семинар ўтказилади. Бу ҳақда Британия Кенгаши «Дарё»га хабар берди.
Семинарда АКТ воситаларини босқичма-босқич равишда олий таълим тизимига жорий этиш учун қўлланмалар ишлаб чиқилади. Тадбир Олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш Бош илмий-методик марказида бўлиб ўтмоқда.
Мазкур семинар таълим тизимидаги бошқарувда, таълим жараёнида замонавий ахборот ресурсларидан фойдаланиш, соҳа вакилларининг касбий маҳоратини ошириш ва билимларни баҳолашда АКТнинг кўлланилиши борасидаги энг илғор миллий ва халқаро тажрибалар билан танишишга имконият беради.
Лойиҳадан кўзланган мақсад замонавий АКТ воситаларини таълим сифатини таъминлаш жараёнида жорий этишдир.
Миллий мутахассилар билан ҳафта мобайнида АКТ ва таълим соҳасида Буюк британиялик эксперт Шарлотта Фрегона ўз тажрибаси билан ўртоқлашади.
Дастур Ўзбекистоннинг барча олий ўқув юртларини ўз ичига қамраб олади. Унинг иштирокчилари эса олий ўқув юртларини бошқарув вакиллари, 60 ректор, 300 проректор, ўқитувчилар, 15 000 дан ортиқ талабалар, иш берувчилар, АКТ соҳасидаги мутахасислар ва компанияларидир.
Изоҳ (0)