Франция полицияси Бельгия билан чегара яқинида жойлашган Гивельд коммунасида цемент кукуни солинган автоцистерна ичида 19 нафар муҳожирни топди, дея хабар бермоқда «Корреспондент.net» ҳукуматга таяниб.
Аниқланишича, муҳожирлар юк машинасига ҳайдовчиларнинг дам олиш ҳудудида чиқиб олган. Улар Буюк Британияга борамиз, деб ўйлаган, бироқ транспорт воситаси Бельгияга қараб йўл олган.
Ҳайдовчи автомобилдан шовқин чиқаётганини сезган ва Бельгия билан чегарадаги назорат-ўтказиш пунктида ҳуқуқ-тартибот кучларига мурожаат қилган, улар эса ушбу муҳожирларни аниқлаган.
Телевидение хабарига кўра, автоцистернадан топилган муҳожирлар қўйиб юборилган, бироқ уларнинг икки нафари заҳарланиши туфайли тиббий ёрдамга муҳтож бўлган.
Изоҳ (0)