Грузия адлия вазирлиги мамлакат президенти Георгий Маргвелашвилига мурожаат қилиб, собиқ президент, Украинанинг Одесса вилояти губернатори Михаил Саакашвилини республика фуқаролигидан маҳрум этишни тавсия қилди, деб ёзади «Интерфакс».
«Украина фуқароси Михаил Саакашвилини Грузия фуқаролигидан маҳрум қилиш жараёни бошланиб бўлди. Якуний қарорни Грузия президенти қабул қилиши керак», — деди адлия вазири.
Унинг айтишича, Саакашвилида Грузия ҳукуматига Украина фуқаролигини қабул қилиши сабабларини тушунтириб бериш учун бир ой вақт бўлган, бироқ у буни қилмаган.
Эслатиб ўтамиз, аввалроқ Грузияда Киевнинг Саакашвили Украина паспортини олгани ҳақидаги расмий хабарномаси асосида Саакашвилини Грузия фуқаролигидан маҳрум этиш тартиби бошланган эди.
Изоҳ (0)