Туркия ҳукумати ўз ҳаво ҳудудидан Франциянинг Сурияда ИШИДга қарши кураш йўлида фойдаланишига рухсат берди. Бу ҳақда дипломатик доиралардаги манбаларига таяниб, Hurriyet Daily News хабар бермоқда, деб ёзади «РИА Новости».
«Франция Сурияда ИШИДга қарши кураш учун бизнинг ҳаво ҳудудимиздан фойдаланишга рухсат сўради. Бунга коалиция мамлакатлари учун амалда бўлган умумий тамойилларга риоя қилиш шарти билан рухсат берилди», — деди манба.
Франция Ироқ ва Сурияда ИШИДни бомбардимон қилишда қатнашаётган 65 та давлатдан иборат коалиция таркибига киради. Париждаги 13 ноябрь кунги терактлардан сўнг, Франция Сурияда янада шиддатли бомбардимонларни бошлади.
Изоҳ (0)