Россия Ташқи ишлар вазирлиги расмий вакили Мария Захарова Франциянинг Charlie Hebdo сатирик газетасида Россиянинг «Когалимавиа» компаниясига тегишли A321 йўловчи самолётининг Мисрдаги ҳалокати ҳақидаги карикатура пайдо бўлишини изоҳлади, деб ёзади «Газета.ru».
«Яна ким Шарли?» — деб ёзди у Facebook’даги саҳифасида.
Эслатиб ўтамиз, Россиянинг «Когалимавиа» компаниясига тегишли A321 йўловчи самолётининг Мисрдаги ҳалокати француз сатирик газетаси Charlie Hebdo карикатурасига мавзу сифатида хизмат қилди. Ўзининг провокацион мақолалари билан танилган нашрнинг янги сонида 224 кишини ҳаётдан олиб кетган фожиа мавзуси бирданига икки суратда акс эттирилган.
Аввалроқ Metrojet авиакомпаниясининг Мисрда ҳалокатга учраган A321 самолётига тегишли параметрик (парвоз параметрларини қайд этувчи) «қора қути»да бевосита қулаш олдидан самолёт билан нима рўй бергани ҳақида маълумотлар аниқланмагани хабар берилган эди.
Изоҳ (0)