NASA 2014 йил 28 октябрь куни Уоллопс оролидаги космодромдан учирилиш чоғида портлаб кетган Antares элтувчи ракетасининг суратларини эълон қилди, деб ёзади Meduza.
Ҳодиса стартдан олти сония ўтиб рўй берган эди. Суратларда Antares’нинг парвози ва кучли портлаши турли бурчаклардан кўрсатилган.
Шунингдек, бир неча кун аввал агентлик ҳалокатга АJ-26 двигатели (Россиянинг «НК-33» двигателининг модификацияланган версияси)даги портлаш сабаб бўлганини маълум қилган эди.
Эслатиб ўтамиз, АҚШ Шарқий соҳиллари вақти билан 28 октябрь куни 18:22 да (Тошкент вақти билан 29 октябрь 3:22 да) Уоллопс оролидаги космодромдан Antares элтувчи ракетаси учирилди, бироқ бир неча сония ўтмасдан у портлаб кетиб, ерга қулаб тушди.
Изоҳ (0)