Metrojet авиакомпаниясининг Мисрда ҳалокатга учраган A321 самолётига тегишли параметрик (парвоз параметрларини қайд этувчи) «қора қути»да бевосита қулаш олдидан самолёт билан нима рўй бергани ҳақида маълумотлар аниқланмади, дея хабар бермоқда Meduza.
«Коммерсант» ёзишича, борт ўзиёзари парвоз нормал режимда кечаётган пайтда тахминан 20 дақиқа давомида самолётнинг барча ускуналари кўрсаткичларини қайд қилган. Сўнг қандайдир ҳодиса содир бўлган, натижада маълумотларни ёзиш тўлиқ тўхтаб қолган. Тахминларга кўра, самолёт бортидаги вазият шунчалик тез ўзгарганки, учувчилар ҳеч қандай чора кўришга улгурмаган. Бу самолёт салони портлаш натижасида герметиклигини йўқотиши ва «қора қути» жойлашган дум қисмининг узилиб тушиши билан боғлиқ бўлиши мумкин.
Аввалроқ АҚШ президенти Барак Обама A321 самолётининг Мисрдаги ҳалокатига унинг бортида портлаш қурилмасининг мавжудлиги сабаб бўлганлиги эҳтимолдан йироқ эмаслигини маълум қилди.
Изоҳ (0)