Ботир Баҳромович Қудратхўжаев Сурхондарё вилояти прокурори этиб тайинланди. «Ҳуқуқ» газетасининг 5 ноябрь сонида берилган ахборотга кўра, бу ҳақдаги буйруқ 2015 йил 31 октябрь куни Ўзбекистон бош прокурори Ихтиёр Абдуллаев томонидан имзоланган.
1975 йили Тошкент шаҳрида туғилган Ботир Қудратхўжаев 1997 йили Тошкент давлат юридик институтини тамомлаган. У дастлаб фаолиятини 1997 йили Ўзбекистон Ҳарбий прокуратураси кадрлар бўлими иш юритувчиси сифатида бошлаб, 2000 йилдан Фарғона ҳарбий прокуратураси терговчи-криминалисти, 2001 йилдан Тошкент ҳарбий округ ҳарбий прокуратураси катта терговчиси, бўлим ҳарбий прокурори лавозимида меҳнат қилган.
Ботир Қудратхўжаев 2003 йилдан Ўзбекистон ҳарбий прокурорининг кадрлар бўйича ёрдамчиси, 2004 йилдан Фарғона ҳарбий прокурорининг ўринбосари ва 2006 йилдан Ўзбекистон ҳарбий прокурорининг катта ёрдамчиси лавозимларида фаолият олиб борди. 2010—2012 йилларда Шарқий ҳарбий округ ҳарбий прокурори лавозимида, 2012—2014 йилларда Ўзбекистон ҳарбий прокурорининг биринчи ўринбосари лавозимида ишлаган.
«Ҳуқуқ» газетаси маълумотларига кўра, Ботир Қудратхўжаев 2014 йилдан шу пайтгача Сурхондарё вилоят прокурори вазифасини бажарувчи лавозимида фаолият олиб борган.
Изоҳ (0)