Замонамиз ҳар ким ўз бизнесини очиши ва шу орқали бойиб кетиши учун энг қулай пайтлардан бири саналади. Сиз инсон фаолиятининг турли соҳаларидаги кўплаб имкониятларнинг қуршовидасиз ва улардан қай даражада фойдалана олиш тамомила ўзингизга боғлиқ. Сиздан талаб этиладигани — улкан истак ва ҳаракатга тайёрлик. Брайан Трейси китоблари ва семинарлари эса, шубҳасиз, бунда сизга ёрдам беради.
Малакали бизнес-маслаҳатчиси, коуч, муаллиф ва амалиётчи ҳисобланган Трейси бундан кўп йиллар муқаддам «ўзини-ўзи миллионер қилган»ларнинг тарихини ўрганишни бошлаган. Улар ҳақида қанча кўп ўргангани сари, ўзи ҳам шу даражада улардан бирига айланиб борар эди. Миллионер мақомига эришиш учун Трейсига беш йил керак бўлди. Унинг бугунги бутун фаолияти — мазкур йўлни бошқалар учун қисқартиришга йўналтирилган.
Ривожланишни ва ўз бизнесини қуришни истайдиганлар учун Брайан Трейси талқини бўйича «ўзини-ўзи миллионер қилганлар»нинг 7 та сирини эътиборингизга ҳавола қиламиз.
- Демак, «ўзини-ўзи миллионер қилганлар»нинг биринчи сири — кенг миқёсда фикрланг ва улкан нарсалар ҳақида орзу қилинг. Ўзингизга тинмасдан «Мен қила оламан!», дея таъкидланг. Ўзингизга қайта-қайта беришингиз бўлган ягона савол эса «Қандай қилиб?», бўлсин. «Ўзини-ўзи миллионер қилганлар» ўз қиёфасини, келгусида бой ва омадли бўлишларини аниқ тасаввур қила олади. Ҳаётингиздаги мутлақо барча ўзгаришлар ўзингиз ҳақингизда шакллантирганингиз муайян янги эмоционал ақлий образда вужудга келади. Қолаверса, ҳеч қачон муваффақиятли кишиларни танқид қилманг. Муваффақиятли кишиларни танқид қилиб, ўзингиздаги муваффақиятнинг барча имкониятларини заифлаштирасиз. Аксинча, муваффақиятли кишилардан илҳом олинг! Бошқаларнинг зафарларидан қанча кўп хурсанд бўлсангиз, ўзингиз муваффақиятга шунча тез эришасиз.
- Иккинчи сир: бошқалардан фарқли бўлиш, устун келишни ҳаётингизнинг асосий мақсади этиб белгиланг. Бажарадиган барча ишларингиз юксак даражада бўлишига интилинг ва ўзингизга юқори талабларни белгиланг. Бажарадиган ишларингизда юқори даражали профессионализмга эришмагунингизга қадар, ҳеч қачон бой ва бахтли бўла олмайсиз. Ўз олдингизга шундай мақсадни қўйинг ва шу йўналишда ҳаракатни бошланг. Ўз ишингиз ва касбингизда янада аъло бўлишингизга сабаб бўлувчи ҳар бир қадамингиз сизни янада бахтли қилади. Фаолият юритадиган соҳангизда биринчи йигирматалик, сўнг ўнталик, кейин эса бешталикка айнан сиз бўлишингиз кераклиги ҳақида қарор қабул қилинг.
- Учинчи сир: ўзингиз ва ҳаётингиз учун бутун масъулиятни бўйнингизга олинг. Ўзингизга қанча кўп масъулиятни олсангиз, шу даражада соҳангиз етакчисига айлана борасиз. Ўз муваффақиятсизликларида бошқаларни айблашда тўхташнинг энг тез усули — бу ўзига: «Бунга мен жавобгарман!», дейишдир. Ўзингизга қанча кўп масъулият олсангиз, ҳаётингизни айнан ўзингиз назорат қилаётганингиз ҳиссига бўлган ишонч шунча кучли бўлади. Ўз ҳаёти устида назорат ва бахт ҳисси ўртасида мутлақ бевосита алоқа мавжуд.
- Тўртинчи сир: доимий изланиш ҳаётингиз бош мақсади бўлсин. «Ўзини-ўзи миллионер қилганлар» ўз соҳаларида изланишдан ҳеч қачон тўхтамайди. Ўз ишингиз тўғрисида ҳар куни янгилик ўрганишга интилинг, салоҳиятингизнинг барча кучларини ишга солинг. Қанча кўп ўргансангиз, олдинга қараб шунча тез илгарилаб бораверасиз. Билим ва кўникмалар — XXI асрда муваффақиятларга эришиш калитидир. Қўшимча билим ва кўникмаларни ривожлантиришда ҳеч қандай тўсиқ йўқ. Демак, ҳаёт давомида илгарига қараб боришингизнинг тезлиги ҳеч нима билан чегараланмаган.
- Бешинчи сир: ижодкорликни ривожлантиринг ва инновацияларни татбиқ этинг. Мақсадларингизга эришишнинг янгироқ, тезроқ ва самаралироқ яна қандай йўллари борлигини аниқланг ва бу йўлда изланинг. Қанча кўп нарсани ўргансангиз ва қанча кўп ҳаракат қилсангиз, атрофингизда шунча ҳайратомуз воқеалар юз бераверади.
- Олтинчи сир: тезкор ва ишончли деган обрўга эришинг ҳамда шу орқали бошқаларга сизга ишониш мумкинлигини намоён этинг. «Ўзини-ўзи миллионер қилганлар» тез ҳаракат қилади ва ўз сўзида туради. Одамлар бу миллионерларга янада кўпроқ таяна бошлайди. Изчиллик — муваффақият гарови. Ўта ақлли бўлиш ёки қандайдир ноёб истеъдодга эга бўлиш шартмас, шунчаки, олдинга қараб изчил ҳаракат қилиш керак, холос. Нимаики ваъда берган бўлсангиз, барчасини ҳамиша вақтида бажаринг. Кишилар сизга доимо ва ҳар қанақанги вазиятларда ишона бошламагунларига қадар, фаолиятингизда юқори даражали сифатга риоя қилишда давом этинг.
- «Ўзини-ўзи миллионер қилганлар»нинг еттинчи сири, бу — тиришқоқликдир. Бу сифатсиз муваффақиятга эришиш мумкин эмас. Ҳеч қачон таслим бўлманг. Муваффақиятга эришиш учун, эҳтимол, кўп ва оғир шароитда ишлашга тўғри келиши мумкинлигига тайёр бўлинг. Бир неча минг миллионерлар орасида тадқиқот ўтказилганда, уларга «Сиз нима учун ва қандай қилиб муваффақиятли бўлдингиз?», деган савол берилган. Уларнинг 85 фоизи тамомила бир хил жавоб қайтарган: «Муваффақият ҳамиша менинг ҳамроҳим, негаки, мен бошқаларга қараганда кўпроқ ва зўр бериб ишлайман». Шунинг учун ишни бошқаларга қараганда эртароқ бошлаш, кўпроқ ишлаш ва ишдан кечроқ кетишларга тайёр туринг. «Ўзини-ўзи миллионер қилганлар» ҳафтасига 50—90 соат ишлайди. Аксарияти 70—80 соат ишлайди. Бошқача қилиб айтганда, ҳафтасига 40 соат ишлаб, муваффақиятли бўлган кишилар мавжуд эмас. Ҳафтасига 40 соат ишлаш — сизга тирик қолишни таъминлайди, холос. 40 соатдан ошиғи – бу мувафаққиятингизга маблағ сарфлаш демакдир. Ўз устингизда, ҳеч бўлмаганда, ишда ишлагандек — кўп, фаол ва астойдил ишланг ва бу албатта ўз самарасини беради.
Эслатиб ўтамиз, Брайан Трейсидан эксклюзив семинар — тадбирнинг бош алоқа ҳомийси бўлмиш Ucell мобил алоқа оператори кўмагида ўтказилади. Таъкидлаш жоиз, компания Ўзбекистонда бу каби таълимга оид ташаббусларни илк маротаба кўрсатаётгани йўқ. Ҳаётни яхшилик сари ўзгартиришни шиор қилиб олган Ucell, ўз шахсий ва профессионал кўникма ва сифатларини ривожлантириш ва мукаммаллаштиришга интилаётганларга семинарга ташриф буюриш имкониятини тақдим этади.
Шу билан бирга, Ucell’дан махсус викторина натижаларига кўра, 10 та қатнашчи-финалчилар мазкур жаҳон миқёсидаги тадбирда қатнашиб, Брайан Трейси билан шахсан мулоқотда бўлиш имкониятига эга бўлади. Викторинада иштирок этиш талаблари жуда оддий — бунинг учун Ucell абоненти бўлиш ва maximum@ucell.uz’га «Брайан Трейсининг ‘Максимумга эришиш’ семинари ҳаётимни қандай қилиб яхшиликка томон ўзгартира олади?», деган саволга жавобингизни электрон хат кўринишида жўнацангиз кифоя. Ucell вакиллари ҳамда семинарнинг ташкилотчилари ва ҳамкорларидан ташкил топган викторина ҳакамлар ҳайъати энг сара ва оригинал жавобларни танлайди. Викторина натижалари 2015 йил 5 ноябрь куни ucell.uz сайтида ҳамда операторнинг ижтимоий тармоқлардаги расмий саҳифаларида эълон қилинади. Шошилинг, эҳтимол, омад айнан сизга кулиб боқар!
Семинар тўғрисидаги батафсил маълумотни тадбирнинг расмий сайти — www.change.uz ва (+99890) 994-12-11, (+99890) 995-12-11, +998 (90) 994-16-11 телефонлари орқали олишингиз мумкин.
Реклама ҳуқуқи асосида. «Дарё» ушбу тадбирнинг ахборот ҳамкори ҳисобланади
Изоҳ (0)