Июль ойида эълон қилинган Аляска штатидаги АҚШнинг қуруқликдаги қўшинлари сонини камайтириш режаси қайтадан кўриб чиқилмоқда. Бу ҳақда АҚШ мудофаа вазирлиги расмий вакили маълум қилган, дея хабар беради «ТАСС».
«Аляскада жойлаштирилган 25-пиёда дивизияси 4-ҳарбий-десант бригадасини батальонга айлантириш режаси қайта кўриб чиқилмоқда, — дея таъкидлаган Пентагон ходими. — Айни пайтда мазкур бўлинмани 2016 йил февралида Форт-Полкдаги (Луизиана штати) навбатдаги ўқув курсини бригада тариқасида ўташи устида иш олиб борилмоқда».
Олдинроқ бригада 2016 йил октябргача батальон ҳолатига келтирилиши, яъни тахминан 2630 кишига қисқартирилиши кўзда тутилганди. Маҳаллий маъмурият вакиллари ва Аляскадан сайланган АҚШ Конгресси аъзолари, биринчи галда сенатор Дэн Салливан бу режаларга қатъиян қарши чиққан. Айнан уларнинг таъсири остида Аляскадаги шахсий таркибни қисқартириш масаласини қайта кўриб чиқишга қарор қилинган кўринади.
Изоҳ (0)