Мисрнинг Синай яриморолида ҳалокатга учраган Россиянинг A321 самолёти командири бундан уч ой аввал тизимдаги хато туфайли ҳаво кемаси парвозини бекор қилишга мажбур бўлган. Бу ҳақда Шарм-аш-Шайх аэропортида самолётни текширган мисрлик авиатехниклар гуруҳи вакили маълум қилди, дея хабар беради «РИА Новости».
Авиатехник Agence France-Presse агентлигига шанба кунги рейсдан аввал лайнерда ҳеч қандай муаммо аниқланмагани, бироқ ҳалокатдан уч ой олдин A321 «фалокатга яқин бўлгани» тўғрисида ҳикоя қилган. Самолёт учиш-қўниш майдонининг ярмига етганида ҳаво кемаси командири «тизимдаги хато туфайли парвозни бекор қилишга мажбур бўлган». Шу билан бирга, авиатехник бундай вазиятлар «деярли одатий ҳолат» эканлигини таъкидлаган.
Эслатиб ўтамиз, олдинроқ CNN телеканали 2001 йили мазкур самолёт қўниш чоғида дум қисмини жиддий шикастлангани тўғрисида хабар берганди.
Изоҳ (0)