Руминия пойтахти Бухарестдаги ёнғин сабаб 27 киши ҳалок бўлган тунги клуб эгалари умрбод озодликдан маҳрум этилиши мумкин. Бу ҳақда, «Корреспондент.net» хабарига кўра, Руминия бош прокурори Тибериу Ницу маълум қилди.
Ницунинг сўзларига кўра, шифокорлар ҳалок бўлган 27 кишидан 23 нафарининг шахсини аниқлаган. Қурбонлар сони янада ошиши мумкин, чунки кучли куйиш жароҳатлари билан касалхонага ётқизилган 146 жабрланувчидан 25 нафарининг аҳволи оғир дея баҳоланмоқда.
Бош прокурорнинг таъкидлашича, клуб собиқ пойабзал фабрикаси ўрнида фаолият олиб борган ва кўнгилочар муассасалар учун мўлжалланган хавфсизлик қоидалари талабларига жавоб бермаган.
Сўроқ вақтида тунги клуб эгалари пиротехникадан фойдаланган ҳолда шоу ташкиллаштириш учун рухсатномага эга бўлмаганликларини тан олган. Маълум бўлишича, пулни тежаш мақсадида иншоот осон аланга олувчи материаллар билан безакланган.
Изоҳ (0)