Руминия пойтахти Бухарестдаги «Коллектив» тунги клубида рўй берган ёнғин хавфсизлик қоидаларига риоя этилмагани туфайли содир бўлган. Бу ҳақда мамлакат президенти Клаус Йоханнис маълум қилди, дея хабар беради «Новая газета».
«Менда мазкур клубда хавфсизлик қоидаларига риоя этилмагани тўғрисида маълумотлар бор. Ўрнатилган меъёрларни инкор этиш бу даҳшатли ҳодисага олиб келган. Расмийлар фожиадан хулоса чиқариши лозим», — дея таъкидлаган Йоханнис.
Эслатиб ўтамиз, 31 октябрга ўтар кечаси рўй берган ёнғин оқибатида 27 киши нобуд бўлди ва 200дан зиёд одам жароҳатланган. Шифокорларнинг айтишича, қурбонлар сони ортиши мумкин, чунки 146 киши қаттиқ даражада куйган, яна 25 одамнинг ҳолати оғир эканлиги билдирилган.
Изоҳ (0)