2026 йилги футбол бўйича Жаҳон чемпионати гуруҳ босқичининг қуръа ташлаш маросими 5 декабрь куни АҚШнинг Лас-Вегас шаҳрида бўлиб ўтади. Бу ҳақда ЭСПН нашрига таяниб Спортбох хабар берди.
Манбанинг ёзишича, дастлаб Канада ва Мексикадаги бир нечта шаҳарлар ҳам маросимга мезбонлик қилиш учун номзод сифатида кўриб чиқилган. Бироқ турнир ташкилий қўмитаси якунда Лас-Вегас шаҳрини танлаган. Қайд этилишича, ушбу шаҳар илгари ҳам, аниқроғи, 1994 йилда АҚШда ўтказилган Жаҳон чемпионати қуръа ташлаш маросимига мезбонлик қилган.
Бу галги маросим дунёдаги энг замонавий ареналардан бири — “Сфера”да ўтказилиши кутилмоқда. Арена ўз бағрига 17,5 минг томошабинни сиғдира олади ва 50 минг квадрат метр майдонни эгаллаган улкан LED-экран билан жиҳозланган.
Маълумот учун, 2026 йилги футбол бўйича Жаҳон чемпионати тарихда илк бор уч давлат — АҚШ, Канада ва Мексика мезбонлигида ташкил этилади. Мусобақада жами 48 та терма жамоа иштирок этади.
Эслатиб ўтамиз, Темур Кападзе бошчилигидаги Ўзбекистон терма жамоаси ҳам тарихда илк бор мундиал йўлланмасига эга чиққан.
Изоҳ (0)