Москванинг Тимирязев туман суди 29 октябрь куни Россия Либерал-демократик партияси етакчиси Владимир Жириновскийнинг Собиқ Иттифоқ собиқ президенти Михаил Горбачёвга нисбатан иззат-нафс ва обрў ҳимояси ҳақидаги даъвосини кўриб чиқишни 13 ноябрга кўчирди. Бу ҳақда «ТАСС» хабар бермоқда.
Шу тариқа, томонлар вакилларининг сиёсатчилар суд мажлисида шахсан қатнашиш истагида бўлгани туфайли мажлисни кейинга қолдириш ҳақидаги илтимосномалари қондирилди.
Аввалроқ суд Горбачёв вакилларининг илтимосини қондириб, эшитишни 29 октябрга қолдирган, улар Горбачёв суд мажлисида шахсан ўзи қатнашмоқчи эканлигини айтган эди.
Эслатиб ўтамиз, Жириновскийнинг даъвоси Горбачёвнинг «Кремлдан сўнг» китоби чоп этилиши билан боғлиқ. Жириновскийнинг айтишича, китобда унинг экстремистик руҳдаги шиорлари ва провокацияларга алоқадорлиги тўғрисида сўз борган. Партия етакчисининг фикрига кўра, бу маълумотлар ҳақиқатга тўғри келмайди.
Даъво аризаси 7 сентябрь куни Москванинг Тимирязев туман судига берилган. Жириновский Горбачёвдан етказилган маънавий зарар учун 1 миллион рубль ва чоп этилган маълумотларга раддия беришни талаб қилмоқда.
Изоҳ (0)