Европарламент томонидан топшириладиган Андрей Сахаров номидаги «Фикр эркинлиги учун» мукофоти саудиялик публицист Раиф Бадавийга насиб этди. Бу ҳақда Meduza хабар бермоқда.
Раиф Бадавий — ҳуқуқ ҳимоячиси, публицист ва Free Saudi Liberals сайти асосчисидир. 2012 йили у ўз сайтида диний қадриятларни таҳқирлаганлик айби билан ҳибсга олинган. Бадавий 10 йилга озодликдан маҳрум этилган ва минг дарра қамчи билан жазоланган.
Андрей Сахаров номидаги «Фикр эркинлиги учун» мукофоти 1988 йили Европа парламенти томонидан таъсис этилган. 2015 йилги тақдирлаш маросими 16 декабрь куни Европарламент мажлиси вақтида бўлиб ўтади. Мукофотнинг соврин жамғармаси 50 минг еврога тенг.
Маълумот учун, 2015 йилги мукофотга даъвогарлар учлигидан, Бадавийдан ташқари, 2015 йил февралида отиб кетилган россиялик мухолифат арбоби Борис Немцов ҳамда Венесуэла мухолифати ҳам ўрин олганди.
Изоҳ (0)