Рекорд ўрнатиш учун товуқ Twitter’да блог юритишга мажбур қилинди

Товуқдан тайёрланган таомлар тайёрлашга ихтисослашган Chicken Treat емакхоналар тармоғи Twitter микроблоглар сервисида қаҳрамони Бетти лақабли парранда бўлган реклама кампаниясини бошлади. Бу ҳақда Mashable хабар бермоқда.

Интернет-нашрнинг компания баёнотига асосланиб ёзишича, Бетти Twitter’нинг инглиз тилида сўзлашувчи ўқувчилари учун таниш бўлган сўзларни ёза олган илк товуқ сифатида жаҳон рекордини ўрнатиш ниятида.

Рекорд ҳисобга олиниши учун товуқ инглиз луғатларига киритилган ва камида тўрт ҳарфдан иборат исталган сўзни ёзиши керак. Бунинг учун Беттининг қафасига компьютер клавиатураси жойлаштирилган.

Акция 8 октябрь куни старт олган бўлиб, рекордни қайд этиш учун товуқда 30 октябрга қадар муҳлат бор. Chicken Treat томонидан YouTube’да эълон қилинган роликда Бетти қандай қилиб ижтимоий тармоқлардан фойдаланаётганини кўриш мумкин.

Ҳозирча расмий @ChickenTreat блогида парранда номидан пайдо бўлган твитлар тасодифий терилган белгилар тўпламидан иборат. Бетти «ёзган» твитларга #chickentweet ҳештеги илова қилинмоқда.

«Комютини-менежерларнинг жиддий рақиби пайдо бўлди», — деб акцияга ҳазил аралаш фикр билдирди Twitter фойдаланувчиларидан бири. «Энг яхши парол генератори», — деди бошқа бир твитер.

https://twitter.com/karorichook/status/654213570931003392

Акцияни мантиқсиз деб ҳисобловчилар чиқди. «Chicken Treat товуқларидан бири — Бетти товуқ гўшти ейишга даъват қилмоқда. Тушунмаяпман», — дейилади твитда.