28 сентябрдан бошлаб UMS мобил оператори «Тўлиқ ишонамиз» бепул хизматини тақдим эта бошлади. Бу хизмат абонентларга ҳатто уларнинг баланси нолдан паст бўлганида ҳам алоқа хизматларидан тўла-тўкис фойдаланиш имконини беради. Ушбу мақолада UMS янги сервис ва ундан фойдаланиш шартлари тўғрисидаги саволларга батафсил жавоб беради.
«Тўлиқ ишонамиз» дегани ўзи қандай хизмат?
UMS абонентлари энди уларнинг баланси минус 5$ га етгунича ҳам мобил алоқадан фойдаланишдек ноёб имкониятга эга бўлдилар. Айни пайтда абонент коммуникация усулларининг ҳаммасидан фойдаланиши мумкин. У маблағларни ўз хоҳишига кўра тариф бўйича обуна тўловига, Ўзбекистон бўйича чиқувчи қўнғироқлар ва SMS юборишга, шунингдек, тариф режасига киритилган тўпламдан ташқари Интернет-трафик сотиб олиш учун сарфлай олади. UMS ўз абонентларига ишонади ва уларга мулоқот учун энг қулай шарт-шароитни яратиб беришга интилади.Бу нима учун қулай?
Мобил ҳисобварақни тўлдириб қўйишга доим ҳам вақт бўлавермайди, албатта. Ойлик обуна тўловини киритиш тасодифан ёддан кўтарилиши ёки яқин орада тўловларни қабул қилиш пункти ёхуд банк терминали топилмаслиги мумкин. Одатда, баланс нолдан пасайиши рақам қисман бандланишига олиб келади. Бунда абонент фақат кирувчи қўнғироқлар ва SMS’ларни қабул қила олади. Бандланиш чегараси минус 5$ гача пасайтирилиши мижозга тўкис ва сифатли алоқани йўқотмай, шошилмасдан ва ортиқча саъй-ҳаракатларсиз, ўзи учун қулай шароит бўлганда балансни тўлдириб олиш имконини беради.Бу хизмат кимларга тақдим этилади?
Фақат UMS’нинг «Optima», «Maxi», «MaxiNew» ва «Ultra» тариф режаларига уланган абонентлар янги сервисдан фойдалана оладилар. Уланиш учун сурункасига охирги 2 ой давомида шахсий ҳисобварақдан маблағ ечилган ва айни пайтда абонент рақами тўлиқ бандланмаган бўлиши шарт.Хизматни қандай бошқариш мумкин?
«Тўлиқ ишонамиз» хизматини бошқариш учун *164# рақамли ягона USSD-сўров мавжуд. Абонент унинг ёрдамида мазкур сервисни улаши, ўчириши ва ҳолатини текшириши мумкин. Шунингдек, SMS-хабарлар ёрдамида ҳам ишласа бўлади. Хусусан, хизматни улаш учун 1 рақамини, ўчириш учун 2 рақамини ва мақомни текшириш учун 0 рақамини 616164 рақамига юбориш керак.«Тўлиқ ишонамиз» хизматидан фойдаланиш ва унинг мақомини бошқариш мутлақо бепул!
Реклама ҳуқуқи асосида. Хизматлар лицензияланган
Изоҳ (0)