Марказий разведка бошқармасининг собиқ директори Жон Маккон АҚШ президенти Жон Кеннедининг ўлдирилиши ҳақидаги ахборотни Уоррен комиссиясидан яширганликда гумон қилинмоқда. Бу ҳақда «Газета.ru» хабар бермоқда.
Кеннедининг ўлимидан 50 йил ўтиб МРБ томонидан эълон қилинган ҳисоботда таъкидланишича, Марказий разведканинг юқори мартабали вакиллари ҳам ахборотни яширишда қатнашган. Ҳисобот Миллий хавфсизлик архивида эълон қилинган.
Тергов маълумотларига кўра, МРБ ходимлари Уоррен комиссияси асосий эътиборни Ли Харви Освальд якка ўзи, ҳеч қандай сабабларсиз қотилликни амалга оширгани ҳақидаги версияга қаратиши учун, муҳим ахборотни яширишга уринган.
Жон Маккон комиссияга МРБ Куба етакчиси Фидель Кастрони ўлдиришга кўп маротаба урингани ҳақида маълумот бермаган. Бу ахборотсиз комиссия Освальднинг Кубадаги ёки бирор бошқа мамлакатда шериклари борлигини аниқлай олмасди.
Эълон қилинган ҳисоботда Маккон ахборотни нима мақсадда яширганига аниқлик киритилмаган, бироқ, тахминларга кўра, у Оқ уй вакили бўлган.
«Маккон МРБнинг Фидель Кастрони ўлдириш бўйича режалари ҳақидаги ахборотни маълум қилмагани комиссияга бўлган ишонч йўққа чиқарди», — дейилади ҳисоботда. Ҳисобот муаллифларининг қайд этишича, маълумотларни яширгани учун ҳам Макконни Жон Кеннеди қотиллигига шерик деб ҳисоблаш мумкин.
Изоҳ (0)