Туркия Россия ҳарбий самолётлари мамлакат ҳаво чегараларини бузганлиги билан боғлиқ можаролар туфайли ушбу давлатдан газ харид қилишни тўхтатиши мумкинлигини билдирмоқда. Бу ҳақда Туркия президенти Ражаб Тоййиб Эрдўғон Японияга жўнаб кетиши олдидан маълум қилди, дея хабар беради «Газета.ru» .
«Биз Россия газининг биринчи рақамли харидори ҳисобланамиз. Бундай харидорни бой бериш Россия учун жиддий йўқотиш бўлиши аниқ. Туркия газни бошқа жойлардан ҳам сотиб олиши мумкин», — дея огоҳлантирган Эрдўғон.
Эрдўғон турк расмийлари Россия лойиҳаси асосида бунёд этилиши режалаштирилган «Оққую» атом электр станцияси билан ҳам шундай йўл тутишлари мумкинлигини айтиб ўтди. «Агар руслар «Оққую» АЭСни қурмаса, уларнинг ўрнига бошқаси келиб, бу лойиҳани амалга ошириши мумкин», дея таъкидлаган президент.
Эслатиб ўтамиз, олдинроқ Туркия президенти Россия билан дўстона муносабатларга путур етиши мумкинлиги тўғрисида огоҳлантирган эди.
Изоҳ (0)