Халқаро валюта жамғармасининг Украинага нисбатан жиддий даъволари бор, шу туфайли Киевга кредитнинг навбатдаги траншини ажратиш 25 октябрь кунги маҳаллий сайловлардан кейин кўриб чиқилади. Бу ҳақда ХВЖ вакилларининг Украинага ўн кунлик ташрифи натижаларидан хабардор манбасига таяниб, «Корреспондент.net» хабар берди.
Украинанинг EFF кредитининг 1,7 миллиард долларлик навбатдаги — учинчи траншини олиш учун ўз мажбуриятларини бажараётганини таҳлил қилган ХВЖ экспертлари ўзларини қизиқтирган саволларга аниқ жавоб олмаган. Хусусан, жамғарма ислоҳотлар бажарилишининг бориши, коррупцияга қарши кураш самарадорлиги ҳамда банк секторининг ислоҳ қилинишидан қониқмаган.
Шунингдек, ХВЖда солиқ тизимидаги ўзгаришлар, 2016 йил учун давлат бюджетининг тайёрланиши бўйича, ва Украина Миллий банкига қаратилган саволлар ҳам бор.
Изоҳ (0)