Малайзия ҳукумати мамлакатни тутун қоплагани, у болалар соғлиғига путур етказиши мумкинлиги туфайли барча мактабларни камида икки кунга ёпиб қўйди, дея хабар бермоқда «Казинформ».
Қўшни Сингапурдаги мактаблар эса ўтган ҳафтада ёпилган эди. Индонезиядаги торф ботқоқлари ёниши оқибатида ҳар йили Сингапур ва Малайзия тутун билан қопланади. Ёнғин Индонезиядаги ўрмонларни пальма ёғи ишлаб чиқаришга мўлжалланган плантациялар учун ноқонуний равишда тозалашдан келиб чиқади.
Индонезия ҳукумати бир неча йил аввал ўрмонларни бу тарзда тозалашни тақиқлаган бўлишига қарамай, ушбу амалиёт давом этмоқда.
Изоҳ (0)