Кэмерон зарур пайтда ядро қуролини қўллашга тайёрлигини билдирди

Буюк Британия бош вазири Дэвид Кэмерон агар зарур бўлса, ядро қуролидан фойдаланишга тайёр эканлигини маълум қилди, деб ёзади «Газета.ru».

Манчестердаги консерваторлар партияси анжуманининг биринчи кунида у мамлакатнинг ядродан тийилиш дастурини қўллаб-қувватлаш зарур деб ҳисоблашини айтди.

Лейбористлар етакчиси Жереми Корбин аввалроқ Британия, ҳатто, ядро ҳужуми хавфи остида бўлса ҳам, ядро қуролини қўллашга рухсат бермаган бўлишини таъкидлаган эди. Унга жавобан, Кэмерон: «… Шундай вазиятлар бўладики, бундай пайтларда ядро қуролидан фойдаланиш ўринли бўлади», — деди.

Бош вазир қайд этишича, худди шундай фикрда бўлмаган кишилар «мамлакат миллий хавфсизлигини хатар остига қўяди».