Швейцария марказида жойлашган Риги тоғидаги сайёҳлик офиси Хитойнинг Эмейшан тоғли минтақасидаги ҳамкасблари билан бундан бир неча йиллар аввал ҳамкорлик шартномасини тузди. Швейцарияликлар ўз мақсадларига эришди: ушбу ҳудудга ташриф буюраётган ҳар икки сайёҳдан бири Хитой фуқароси ҳисобланади. Бу ҳақда «Nat-geo.ru» хабар бермоқда.
Шу билан бирга, хитойлик сайёҳлар сонининг ниҳоятда кўпайгани маҳаллий аҳоли ва бошқа мамлакатлардан келган сайёҳлар учун ҳақиқий бошоғриғи бўлмоқда. Осиёлик меҳмонларнинг кўпинча ўзини тута билмаслиги, поездларга чиқишда узундан-узоқ навбатларнинг пайдо бўлгани туфайли Rigi Bahnen AG темирйўл компаниясига шикоятлар ёғилиб кетди.
Компания тайёр даромад манбаидан айрилиб қолмаслик, икки томонни ҳам муросага келтириш йўлини топди: мавсум пайтида йўналишга қўшимча 20 та поезд қўйилди. Уларда фақат хитойликларга чипта сотилмоқда.
Изоҳ (0)