Халқаро валюта жамғармаси Қозоғистон тенгенинг эркин курси режимига ўтганини маъқуллайди ва тузилмавий ислоҳотлар ўтказилиши заруриятини таъкидлайди. Бу ҳақда ХВЖнинг Яқин Шарқ ва Марказий Осиё мамлакатлари департаменти директори Масуд Аҳмад айтиб ўтди, деб ёзади «РИА Новости».
Аҳмад 2—4 сентябрь кунлари Қозоғистонга ташриф буюриб, расмий органлар вакиллари билан учрашди. Ўз ташрифи якунларига кўра берган баёнотида ХВЖ вакили Қозоғистон, ҳудуддаги бошқа мамлакатлар каби, нефть нархи тушиб кетгани, Россия ва Хитойда ўсиш суръатлари пасайгани кабилар туфайли жиддий ташқи шокларни бошидан кечираётганини айтиб ўтди.
«Ушбу шоклар шароитида мамлакатнинг иқтисодий ўсиши кескин секинлашди, молиявий шароитлар эса қийинлашди. Шунга қарамай, расмий органларнинг макроиқтисодий ва молиявий барқарорликни таъминлаш учун зарур чораларни кўриш бўйича қатъияти мени лол қолдирди», — деди у.
Изоҳ (0)