Shveysariya markazida joylashgan Rigi tog‘idagi sayyohlik ofisi Xitoyning Emeyshan tog‘li mintaqasidagi hamkasblari bilan bundan bir necha yillar avval hamkorlik shartnomasini tuzdi. Shveysariyaliklar o‘z maqsadlariga erishdi: ushbu hududga tashrif buyurayotgan har ikki sayyohdan biri Xitoy fuqarosi hisoblanadi. Bu haqda “Nat-geo.ru” xabar bermoqda.
Shu bilan birga, xitoylik sayyohlar sonining nihoyatda ko‘paygani mahalliy aholi va boshqa mamlakatlardan kelgan sayyohlar uchun haqiqiy boshog‘rig‘i bo‘lmoqda. Osiyolik mehmonlarning ko‘pincha o‘zini tuta bilmasligi, poyezdlarga chiqishda uzundan-uzoq navbatlarning paydo bo‘lgani tufayli Rigi Bahnen AG temiryo‘l kompaniyasiga shikoyatlar yog‘ilib ketdi.
Kompaniya tayyor daromad manbaidan ayrilib qolmaslik, ikki tomonni ham murosaga keltirish yo‘lini topdi: mavsum paytida yo‘nalishga qo‘shimcha 20 ta poyezd qo‘yildi. Ularda faqat xitoyliklarga chipta sotilmoqda.
Izoh (0)