ОАВ Барак Обаманинг катта қизини услубнинг янги тимсоли сифатида эътироф этмоқда

АҚШ президентининг катта қизи Малия Обама кийиниш услубининг янги тимсоли, деб эътироф этилмоқда. Бу ҳақда The New York Times хабар бермоқда.

Нашрнинг қайд этишича, Обаманинг қизи бу мақомга даъвогарлик қила олишини илк бор январь ойида, Instagram’да унинг Бруклиндаги рэп-ижрочиларнинг логотипи туширилган футболка кийгани тасвирланган сурат пайдо бўлганидан сўнг билдирган эди.

Бу кийим Оқ уйнинг расмий фотосуратларида қиз кийган либослардан кескин фарқ қиларди.

Жамоатчилик эътиборидаги саккиз йил давомида у нафақат ўзига ишонган ўсмирга, балки шу ёшида кийим масаласида ўткир тажрибалар ўтказиб турадиган тенгдошлари орасида услуб тимсолига ҳам айланди.

Экспертларнинг фикрича, Girls сериалини суратга олиш ишларида ассистент сифатида қатнашаётгани Малиянинг кийиниш услубига маълум маънода таъсир қилмоқда.