NASA Гавайи оролларида одамларни йил давомида чекланган ҳудудда жон сақлаши бўйича тажрибани бошлади. Ушбу синов Марсга мўлжалланаётган парвоз доирасида амалга оширилмоқда. Бу ҳақда «Корреспондент.net» хабар берди.
Иштирокчилар олти кишидан иборат: француз астробиологи, немис физиги ва тўрт нафар америкалик – учувчи, меъмор, шифокор-журналист ва тупроқшунос. Эни 11, бўйи 6 метр бўлган гумбазда ҳар бир иштирокчига алоҳида кичик хона ажратилган, улар ташқарига фақат скафандрда чиқади. Таом сифатида фақат майдаланган пишлоқ ёки консерваланган балиққа ўхшаш маҳсулотларни истеъмол қилиш мумкин.
Тажриба ўтказилаётган Мауна-Лоа тоғи атрофида деярли жонзотлар ва ўсимликлар йўқ. Синовлардан кўзда тутилган асосий мақсад олти киши ёпиқ маконда узоқ муддат тоза ҳаво ва кўникилган таомларсиз яшай олишларини имтиҳондан ўтказишдан иборат.
Изоҳ (0)