Швейцариянинг Халқаро активларни қайтариш маркази (International Center for Assets Recovery) томонидан тузилган Basel Anti-Money Laundering Index рейтингида Ўзбекистон 152 мамлакат ичида 107-ўринда қайд этилди, деб хабар бермоқда UzDaily.
10 баллик тизимда Ўзбекистонга 5,11 балл қўйилган бўлиб, Уругвай ва Нидерландия орасида жойлашган. Рейтингга кўра, Ўзбекистонда жиноий даромадларни легаллаштириш хавфи АҚШ (103-ўрин) ва Россия (57-ўрин)га қараганда пастроқ экани қайд этилган.
Жиноий даромадларни легаллаштириш имконияти энг кўп Эрон (8,59 балл, 1-ўрин), Афғонистон (8,48 балл, 2-ўрин) ва Тожикистон (8,26 балл, 3-ўрин)да эканлиги айтилган. Энг паст кўрсаткичлар эса Финляндия (2,53 балл, 152-ўрин), Эстония (3,19 балл, 151-ўрин) ва Словения (3,41 балл, 150-ўрин)да кузатилгани қайд этилган.