2014 йил октябрдан 2017 йил декабрга қадар Олий суд БМТ Тараққиёт дастури ва USAID билан ҳамкорликда «Ўзбекистонда қонун устуворлиги соҳасида шериклик» лойиҳасини амалга оширмоқда, деб ёзади «Газета.uz». Лойиҳа ишининг оралиқ натижалари ҳақида 18 август, сешанба кунги пресс-турда маълум қилинди.
Лойиҳа БМТ ТД томонидан Ўзбекистон билан судлар самарадорлиги ва ҳаммабоплигини ошириш ҳамда фуқароларга суд тизими хизматларининг асосий турлари учун йўл очиб бериш соҳасида амалга оширилган ишларнинг давоми бўлди. Фаолиятнинг йўналишларидан бири — E-Sud электрон суд процессининг ахборот тизимини кенгайтириш. У 2013 йилда Фуқаролик ишлари бўйича Зангиота туманлараро судида синов тариқасида ишга тушган эди.
E-Sud ахборот портали бўлиб, у орқали ушбу тизимга уланган ҳар қандай судга электрон шаклда мурожаат қилиш мумкин. Авваллари суд қарорини олиш учун суд биносига камида 7—8 марта келиш керак бўлган бўлса, электрон тизим жорий этилганидан буён ташрифлар сони 2—3 мартагача камайди.
Изоҳ (0)