Женевада Қозоғистоннинг Бутунжаҳон савдо ташкилотига (БСТ) қабул қилиниши бўйича протокол имзоланди. Ҳужжатга республика президенти Нурсултон Назарбоев ва БСТ бош директори Роберту Азеведу имзо чекди. Бу ҳақда «ТАСС» хабар бермоқда.
- Фото: EPA
Назарбоевнинг сўзларига қараганда, БСТга кириш юзасидан музокаралар олиб борилган салкам 20 йил давомида Қозоғистон иқтисодиёти оёққа турди, катта ўзгаришларга учради. «Аҳоли жон бошига ялпи ички маҳсулот ҳажми 18 баробар ошди ва Марказий ҳамда Шарқий Европа давлатлари даражасига етди, ташқи савдо айланмаси эса 120 миллиард долларни ташкил этмоқда», — дея таъкидлаган давлат раҳбари.
Изоҳ (0)