Ҳиндистоннинг Панжоб штатида автобус ва полиция участкасига ҳужум уюштирган жангариларни йўқ қилиш бўйича махсус операция якунланди, дея хабар бермоқда «РИА Новости».
Ҳиндистон ички ишлар вазирлиги маълумотларига кўра, ҳужум натижасида 11 киши, жумладан беш полициячи, уч фуқаро ва уч босқинчи ҳалок бўлган.
Нашр эслатишича, 27 июль, душанба куни эрталаб уч нафар қуролли шахс Покистон билан чегара яқинидаги Динанагар шаҳрида автобусга, сўнг полиция участкасига ҳужум қилган эди. Ҳиндистон ҳукумати чегарадаги назоратни, шунингдек, Уттар-Прадеш штати ва пойтахт Нью-Деҳлида хавфсизлик чораларини кучайтирди.
Изоҳ (0)