Япония пойтахти яқинида жойлашган Тёфу аэропорти атрофидаги уйга Piper Pa-46 русумли беш ўринли енгил самолёт қулаши оқибатида камида уч киши ҳалок бўлди, беш киши эса жароҳатланди. Бу ҳақда мамлакат фавқулодда вазиятлар хизматига асосланиб, «ТАСС» хабар бермоқда.
Ҳалок бўлганларнинг икки нафари қулаган самолёт бортида бўлган, уч йўловчи омон қолган. Ундан ташқари, ҳодиса рўй берган пайтда уйда бўлган аёл ҳам ҳаётдан кўз юмган. Бир уй ва икки автомобиль ёниб кетган, яна тўртта бино шикастланган.
Фавқулодда вазият ҳудудида қутқарувчилар ва ўт ўчирувчилар ишламоқда. Самолёт бўлакларга бўлиниб кетган, ундан фақат дум қисмигина қолган. Ҳалокат сабаблари ҳозирча аниқланмади.
Изоҳ (0)