Виктория Бекхэм қачонлардир бошловчи дизайнер эди, бироқ ҳозирда у мазкур соҳада ўзини анча ишончли ҳис қилмоқда, дея хабар берди «Сегодня.ua».
Бекхэм хонимнинг яқинда The Cut нашрига берган интервьюсидан маълум бўлишича, у эндиликда дизайнерлик совринларидан қониқиш ҳосил қилмаяпти.
Аксинча, у давлат даражасидаги мижозларга хизмат кўрсатишни истамоқда. Хусусан, таниқли футболчи Дэвид Бекхэмнинг турмуш ўртоғи АҚШ президентлиги учун номзод Хиллари Клинтонни кийинтиришга қарши эмас.
«Мен жон деб у билан кўришган ва уни кийинтирган бўлардим», - деди Виктория. Ҳозирча Клинтон хоним Викториянинг хизматларига қизиқиш билдирмагани сабаб, Бекхэм хоним яқин келажакдаги режалари билан ўртоқлашди.
«Мен ўз брендимнинг нарх сиёсати устида ишлайман, чунки Victoria Beckham либосларини имкон қадар кўпроқ одам кия олишини истайман», - деди у.
Изоҳ (0)