Филиппинда 2 июль, пайшанба куни чўкиб кетган паром қурбонлари сони 61 кишига етди. Бу ҳақда «Kommersant.ru» хабар бермоқда.
Дастлабки тахминларга кўра, кема ҳалокатига ноқулай об-ҳаво шароити сабаб бўлган. Бироқ Филиппин матбуотининг қайд этишича, кемадаги юк миқдори белгиланганидан ортиб кетган — унда, йўловчилардан ташқари, гуруч ва цемент тўла қоплар ҳам бўлган.
Давлат раҳбарининг расмий вакили Абигайл Валтенинг маълум қилишича, Филиппин президенти Бенигно Акино соҳил қўриқлаш хизматига бедарак йўқолганларни топиш учун барча чораларни ишга солиш ҳақида кўрсатма берган.
Бироқ, «Қизил Xоч»нинг Филиппин бўлими бошлиғи Ричард Гордоннинг маълум қилишича, ноқулай об-ҳаво шароити кенг миқёсли қидирув-қутқарув ишларини олиб боришга имкон бермаяпти.
Ҳалокатга учраган Kim Nirvana пароми Ормок шаҳридан Пилар портига йўл олганди. Унинг бортида 187 киши бўлгани айтилмоқда.
Изоҳ (0)