Forbes энг сердаромад машҳурлар рейтингини тузди

Forbes журнали энг сердаромад машҳурларнинг йиллик рейтингини эълон қилди. Бу ҳақда Meduza хабар бермоқда.

2015 йилги рейтингда боксчи Флойд Мейуэзер биринчи бўлди, нашр унинг даромадини 300 миллион долларга баҳолади. Иккинчи ўринни бошқа бир боксчи – Forbes маълумотларига кўра, бир йилда 160 миллион доллар ишлаб топган Мэнни Пакьяо эгаллади.

Учинчи ўринни хонанда Кэти Перри, йиллик 135 миллион доллар миқдоридаги даромад билан эгаллади.

Сердаромад машҳурлар ўнлигидан, шунингдек, қуйидагилар ўрин олган: One Direction гуруҳи (умумий даромади 130 миллион доллар), ёзувчи Жеймс Паттерсон (89 миллион доллар), актёр кичик Роберт Дауни (80 миллион доллар) ва футболчи Криштиану Роналду (79,5 миллион доллар).

Forbes рейтинги машҳурларнинг 2014 йил 1 июндан 2015 йил 1 июнигача бўлган даврдаги, солиққа тортилгунча бўлган даромади асосида тузиб чиқилган. Forbes даромадлар ҳақидаги ахборотни очиқ манбалардан олган.