Тадбиркор ва Халқаро қиличбозлик федерацияси президенти Алишер Усмонов Россия президенти Владимир Путинни 2015 йил 13—20 июль кунлари Москвада ўтказиладиган қиличбозлик бўйича жаҳон чемпионатига таклиф қилди, деб хабар беради «РИА Новости».
Давлат раҳбари билан учрашув чоғида Усмонов 2008 йилда Халқаро қиличбозлик федерациясига президент этиб сайлангани ва қаторасига иккинчи йил Россия терма жамоаси жаҳон чемпионатларида умумжамоа ҳисобида биринчи ўринни эгаллаётганини эслатиб ўтди.
«Шу йили Москвада 13 июлдан 20 июлгача жаҳон чемпионати ўтказилади. Сизни мамнуният билан унга таклиф қиламиз. Сизга шуни маълум қилмоқчиманки, Халқаро олимпия қўмитаси президенти Томас Бах ҳам бизнинг жаҳон чемпионатимизга ташриф буюрмоқчи. Негаки, бахтимизга у ҳам бизнинг Федерациямиз аъзоси, қиличбоз, ўтмишдаги олимпия чемпиони ҳисобланади», — деди Усмонов.
Изоҳ (0)