Япония 2002 йилги жаҳон чемпионати мезбонини аниқлаш учун ўтказилган сайловда овоз олиш учун Жанубий Америка футбол конфедерацияси (КОНМЕБОЛ)га 1,5 миллион доллар пора берган. Бу ҳақда AS нашрига таяниб, «Gazeta.ru» хабар қилмоқда.
КОНМЕБОЛ собиқ ходимининг сўзларига кўра, 1,2 миллион доллар конфедерация раҳбари Николас Леос, 200 минг доллар бош котиб Эдуардо де Луке ва яна 100 минг доллар ФИФА билан алоқалар бўлимига жавобгар Зоран Даннис ҳисобига ўтказиб берилган.
Манбанинг сўзларига кўра, бу кўплаб пул ўтказмаларидан фақат биттаси экан.
Унинг айтишича, пул ўтказмалари Леоснинг қариндошлари ҳисоби орқали амалга оширилган.
Эслатиб ўтамиз, 2002 йилги ЖЧ Жанубий Корея ва Японияда бўлиб ўтган.
Изоҳ (0)