Фарғона шаҳридаги «Истиқлол» теннис кортларида хотин-қиз теннисчилар ўртасидаги турнирнинг асосий тўр баҳслари давом этяпти. Мукофот жамғармаси 25 минг доллардан иборат мусобақада 17 июнь куни иккинчи давра иштирокчилари маълум бўлди, деб хабар қилади «Olamsport.com».
Ўзбекистонлик теннисчилардан фақат икки нафаригина иккинчи давра йўлланмасини қўлга киритди. Қолганлар мағлубият аламини тотиб кўрди. Турнирда учинчи рақам остида таснифланган Сабина Шарипова яна бир ўзбекистонлик Альбина Хабибулинани ортиқча қийинчиликсиз 6:0, 6:1 ҳисобида таслим этди.
Асосий тўрга имтиёзли равишда қўйилган Гўзал Юсупова эса саралаш баҳслари ғолибаларидан бири қозоғистонлик Александра Гринчишинани 4:6, 6:4, 6:3 ҳисобида енгди. Влада Якшибарова, Сарвиноз Саидхўжаева, Камола Умарова ва Шаҳноза Хотамова рақибаларидан мағлуб бўлиб, яккаликдаги иштирокини муддатидан анча аввал якунлади.
Изоҳ (0)