Yaponiya 2002-yilgi jahon chempionati mezbonini aniqlash uchun o‘tkazilgan saylovda ovoz olish uchun Janubiy Amerika futbol konfederatsiyasi (KONMEBOL)ga 1,5 million dollar pora bergan. Bu haqda AS nashriga tayanib, “Gazeta.ru” xabar qilmoqda.
KONMEBOL sobiq xodimining so‘zlariga ko‘ra, 1,2 million dollar konfederatsiya rahbari Nikolas Leos, 200 ming dollar bosh kotib Eduardo de Luke va yana 100 ming dollar FIFA bilan aloqalar bo‘limiga javobgar Zoran Dannis hisobiga o‘tkazib berilgan.
Manbaning so‘zlariga ko‘ra, bu ko‘plab pul o‘tkazmalaridan faqat bittasi ekan.
Uning aytishicha, pul o‘tkazmalari Leosning qarindoshlari hisobi orqali amalga oshirilgan.
Eslatib o‘tamiz, 2002-yilgi JCh Janubiy Koreya va Yaponiyada bo‘lib o‘tgan.
Izoh (0)