Фарғона шаҳридаги «Истиқлол» теннис кортларида хотин-қиз теннисчилар ўртасидаги турнир ўзининг қизғин палласига кирди. Мукофот жамғармаси 25 минг доллардан иборат мусобақада бугун, 19 июнь куни чорак финал учрашувлари ўтказиляпти, деб хабар қилади «Olamsport.com».
Ўзбекистонлик Сабина Шарипова чорак финал баҳсида кортга чиқди. Турнирда учинчи рақам остида таснифланган Сабина турнирнинг еттинчи ракеткаси украиналик Валерия Страховага қарши кортга чиқди ва рақибасини икки сетда ҳам бир хил 6:3 ҳисобида таслим этди.
Энди финал чиптаси учун кечадиган учрашувда Сабина Шарипова мусобақанинг биринчи ракеткаси Хироко Кувата билан ҳисоб-китоб қилади. Бугун, 19 июнь куни япониялик теннисчи чорак финал баҳсида ҳиндистонлик Наташа Палхани 6:2, 6:1 ҳисобида енгди.
Изоҳ (0)