Американинг марказий ва шимоли-шарқий штатларида парранда гриппи эпидемияси туфайли тухум, курка гўшти ва улар қўлланиладиган маҳсулотларнинг нархи ошиб кетди, деб хабар беради ТАСС.
- Фото: tass.ru
АҚШда майонез, нон ва бошқа маҳсулотларни ишлаб чиқаришда фойдаланиладиган тухумнинг нархи янада ошган. Сўнгги уч ҳафта ичида бундай тухумларнинг 12 тасининг нархи 60 фоизга кўтарилди ва энди улар 63 центдан эмас, 1,03 доллардан сотилмоқда.
Курканинг бир фунти (453 грамм) 3,37 доллардан 3,70 долларга кўтарилди.
Ҳукумат хабарларига қараганда Айованинг ўзида 26 миллион дона товуқ йўқ қилинган. Айова, Миннесота ва Висконсинда фавқулодда ҳолат жорий қилинган.
H5N2 вируси шу кунга қадар Американинг 13 та штатида аниқланди. Олимлар ҳозирча гриппнинг паррандадан одамга юққан ҳолатларини қайд қилмади.
Изоҳ (0)