Непалда 12 май, сешанба куни эрталаб содир бўлган навбатдаги зилзила қурбонлари сони 53 кишига етди, дея хабар бермоқда «Koрреспондент.net» Ғарб ОАВларига таяниб.
Непал ҳукумати маълумотларига кўра, қурбонлар орасида 36 нафар непаллик ва 17 нафар шимолий Ҳиндистон фуқаролари бор. 1,1 мингдан ошиқ киши жароҳат олган.
12 май куни Непалда 7,4 магнитудали кучли зилзила кузатилди. Ундан бир соат ўтар-ўтмас, 5 ва 6,3 магнитудали яна иккита ер ости силкиниши қайд этилди.
Зилзила эпицентри мамлакат пойтахти Катмандудан шимоли-шарқда, Эверест яқинида жойлашди.
Непалда 25 апрель куни 7,9 магнитудали зилзила рўй берганди. Шундан сўнг кучи 3,2 дан 6,9 магнитудагача бўлган 90 га яқин афтершоклар қайд этилди. Сўнгги маълумотларга кўра, унда қурбон бўлганлар сони 8 мингдан ошди.
Изоҳ (0)