Актриса Шаҳзода Муҳамедова «Бекажон» газетаси билан суҳбатда актёрлар ўртасидаги дўстлик тушунчаси ҳақида фикрларини айтиб ўтди.
«Менимча, барча ҳамкасбларим билан дўстона муносабатдаман. Аммо Асал Шодиева бундан мустасно. У санъатга мендан олдин кириб келган. Шунинг учун ҳам уни ҳурмат қилардим. Гарчи таниш бўлсак ҳам саломдан нарига ўтмасди. Баъзи концертларда кўриб кўрмасликка ҳам олди. Анчагача хафа бўлиб юрдим, кейин эътибор берсам, у бошқа актрисалар билан ҳам шундай муносабатда экан».
Актриса фильм гонорарини белгилашда нималарга инобатга олишини ҳам айтиб ўтди.
«Кўп ҳолларда фильмни суратга олиш муддатига эътибор бераман. Ҳозирги кунда актриса лойиҳадаги либосларга сарфланадиган харажатларни ҳам ўз ёнидан тўлайди. Шу сабабли, образимга қараб ҳам, яъни қандай кийинишимни ҳисобга олиб ҳам гонорар моқдорини белгилашим мумкин».
«Бекажон» газетаси берган маълумотга кўра, Шаҳзода Муҳамедова бир фильм учун 2500—3000 АҚШ доллари миқдорида гонорар олар экан.
Изоҳ (0)