АҚШнинг Айова штати маъмурияти оммавий равишда парранда гриппи тарқалгани муносабати билан 1 май куни фавқулодда ҳолат эълон қилди. Бу ҳақда Корреспондент.net хабар бермоқда.
«Вирус Айовада тарқалишидан аввал ҳам идорамиз бошқа штатлардаги касаллик ўчоқларини кузатиб бораётган эди. Айовада вируснинг тарқалиши олдини олиш мақсадида биз касаллик Бюн-Вист округида илк бор қайд этилганида бошлаган ишларимизни амалга оширишда давом этамиз», - дейилади штат губернатори Терри Бренстаднинг баёнотида.
Баёнотда қайд этилишича, вирус ҳозирги вақтда одамлар ҳаётига таҳдид солаётгани йўқ. Фавқулодда ҳолат тартиби 2015 йилнинг 31 май кунига қадар амалда бўлади. Штат маъмурияти вазиятдан келиб чиқиб фавқулодда ҳолат тартиби муддатини янада узайтириши ёки уни муддатидан аввал бекор қилиши мумкин.
Аввалроқ маҳаллий соғлиқни сақлаш вазирлиги дастлабки тадқиқотларга асосланиб вирус 2,3 миллиондан ортиқ паррандага зарар етказиши мумкинлигини маълум қилганди. Ҳозирча Айовадаги иккита паррандачилик фермасида касаллик аниқланган, уларда жами 2 миллионга яқин парранда бор.
Изоҳ (0)