Қозоғистоннинг Олма-ота шаҳрида 30 нафар ошпаз дунёда энг катта миқдордаги лағмон тайёрлади, унинг оғирлиги 687 килограммни ташкил этди, деб хабар қилади «Tengrinews.kz».
Дунёдаги энг катта лағмон Қозоғистон халқи бирлиги куни ва Қозоқ География Жамиятининг беш йиллиги муносабати билан Олма-отадаги Уйғур театри ёнидаги майдонда тайёрланди.
Рекордни қайд этган Гиннеснинг Рекордлар китоби вакили Бенжамин Бекхауснинг сўзларига кўра, шу кунгача катта миқдорда лағмон тайёрлаш бўйича рекорд бўлмаган, чунки минимал вазн 500 кг бўлиши талаб этилган. Ушбу рекорд 2016 йилда китобга киритилади.
Лағмон тайёр бўлиб, рекорд қайд қилинганидан сўнг овқат йиғилганларга улашилди.
Эслатиб ўтамиз, ўтган йили ўзбекистонлик Ҳаким Ғаниев 350 килограмм лағмон тайёрлаганди.
Изоҳ (0)