Япония ва АҚШ «Прогресс М-27М» юк кемаси ҳалокати туфайли, 26 май куни Халқаро космик станцияси (ХКС)га янги экспедицияни юбориш режасини муҳокама қилмоқчи, деб ёзади ТАСС.
Япония аэрокосмик тадқиқотлар агентлиги (ЖАКСА) космонавтлари ва NASA астронавтларидан иборат бўладиган экспедицияни ХКСга юбориш режаси 11 майдан кейин, Россиянинг «Прогресс» қурилмаси ҳалокати сабаблари ўрганиб чиқилгач, қайта кўриб чиқилади.
Янги экспедиция экипажини ХКСга элтадиган «Союз ТМА-17М» кемаси старти қолдирилиши ҳам мумкин.
Эслатиб ўтамиз, Россиянинг «Прогресс М-27М» юк ташувчи космик кемаси назоратни йўқотиб, Ер орбитасидан тушиб кета бошлаган ва атмосферанинг қалинроқ қатламларига кириб, ёниб кетган эди. «Прогресс М-27 М» юк ташувчи космик кемаси яқинида топилган бўлаклар орбитаси таҳлили кема ташувчи ракетадан ажралаётган вақтида портлаш содир бўлганига ишора қилди.
Изоҳ (0)