Project Spartan браузери Microsoft Edge дея расмий номланди

Microsoft компанияси Build 2015 анжумани доирасида тақдимот ўтказди, деб ёзади ArsTechnica. Унда компания ўзининг Project Spartan браузери расмий номини Microsoft Edge дея эълон қилди.

Тақдимотда шунингдек Microsoft Edge’нинг қизиқ бир жиҳати — сайтларнинг Windows 10 учун алоҳида дастурларга айланиши кўрсатиб ўтилди.

Бундан ташқари, браузер янги логотипга эга бўлди, у Internet Explorer логотипининг бироз ўзгартирилган версиясидир — ўша-ўша «e» ҳарфи бошқачароқ кўриниш олди.

Нашрнинг эслатишича, Project Spartan оммага шу йилнинг январида тақдим этилган эди. Яқинда эса у Windows 10’нинг сўнгги синов версияларидан бирида пайдо бўлди.