Microsoft kompaniyasi Build 2015 anjumani doirasida taqdimot o‘tkazdi, deb yozadi ArsTechnica. Unda kompaniya o‘zining Project Spartan brauzeri rasmiy nomini Microsoft Edge deya e’lon qildi.
Taqdimotda shuningdek Microsoft Edge’ning qiziq bir jihati — saytlarning Windows 10 uchun alohida dasturlarga aylanishi ko‘rsatib o‘tildi.
Bundan tashqari, brauzer yangi logotipga ega bo‘ldi, u Internet Explorer logotipining biroz o‘zgartirilgan versiyasidir — o‘sha-o‘sha “e” harfi boshqacharoq ko‘rinish oldi.
Nashrning eslatishicha, Project Spartan ommaga shu yilning yanvarida taqdim etilgan edi. Yaqinda esa u Windows 10’ning so‘nggi sinov versiyalaridan birida paydo bo‘ldi.
Izoh (0)